*कळलेचं नाही*

                     

                         रणरणत्या उन्हांत
                        अन् जळणाऱ्या मातीच्या कणात
                        तुझ्या अनवाणी पायाला
                        बसणारे चटके
                       मला कधी कळलेच नाही
                       कारण माझे पाय या आगीत
                       कधी पोळलेच नाही....


                      भूकेने व्याकूळ होऊन
                      अन्नाची आस धरणारे
                      अन् पाठीला जाऊन
                      भिडणारे तुझे पोट
                      मला कधी कळलेच नाही
                     कारण भूकेच्या डोंबात
                     माझे पोट कधी जळलेच नाही..


                    तु घातलेल्या कपडयांना नेहमी
                    कष्टाच्या अत्तराचा वास होता
                    पण मला मात्र ती दुर्गंधी वाटली
                    तुझ्या कष्टाचे मोल
                    मला कधी कळलेच नाही
                    कारण गरीबीने मला
                    कधी छळलेच नाही..

                                - अविराज